Korapsyon Sa Ating Lipunan – Chel-ai Deocampo

Posted by on 22 March 2014 @ 12:22 pm | Hits: 258 | comments

Share on Facebook2Tweet about this on TwitterShare on Google+0Share on Reddit0Share on Tumblr0Share on StumbleUpon0Email this to someone

Kasabay ng kalamidad ang syang pag usbong ng mga katiwalian walang humpay na paratangan malinis lang ang kanya kanyang pangalan.

Ngunit kung ating tatanungin ang ating sarili sino ba ang nagluklok sa kanila upang mailagay sa kanilang puwesto hindi ba’t tayo?  Tayong mga mamayan ang isang dahilan kung bakit may korapsyon sa ating lipunan, kung atin lamang kilalanin ang tunay na iboboto ,sana hindi tayo niloloko ng harap harapan.

Pilipinas numero uno sa krimen ,nakawan at kupitan tayo na yata ang maituturing na may pinakamahinang sistema ng gobyerno. Simula ba naman sa matataas na tao hanggang sa ordinaryo ay may katiwaliang nagaganap. Sa panahon ngayon hindi na uso ang maging tapat ,makatao at makabayan sa kadahilanang hindi tayo nagiging tapat sa ating bayan sa simpleng pagtanggap ng suhol tuwing eleksyon, pangongotong at pag sunod sunuran sa gusto ng mga gahamang opisyal ng gobyerno.

Tila tayong mga mamayang pilipino ay wala ng pagkakaisa dahil sa pinapairal nating pag-uugali na tinatawag na “kanya-kanya” o makasarili, walang pakialam kung meron maapakan ,may mamatay at masasaktan na dulot ng mga desisyon na hindi pinag isipan dahil sa kagustuhang masunod lang ang pangangailangan.

Kung tutuusin madami tayong magagawa na mabuti at tumulong sa kapwa na walang hinihinging kapalit wag pairalin ang puro pera lamang ang mahalaga sa atin. Lagi nating iisipin ang ating hahantungan dahil sa paggawa ng hinde tama na ayon sa batas ng higit na makapangyarihan sa lahat.

Natatandaan niyo pa ba ang massacre sa maguindanao kung saan madaming mang hahayag ang namatay na naging simula ng pagkabuking ng katiwalian ng mga Ampatuan .Mga media at radio announcer na sana nakatulong sa pag hatid ng balita, ehemplo ng pagbabago ay nawakasan ang kanilang buhay.

Kaya bilang isang katinig at isang simpleng indibidwal tayo’y maging matapang sa pagsugpo ng katiwalian katulad ng pagsumbong ng kasinungalingan at gawa-gawang kwento na walang katuturan, wag magpasilaw sa kayamanan dahil ang pera ng mga publikong nanunungkulan ay galing sa kaban ng bayan.

At ating ipamulat sa mga kasalukuyang kabataan na mahalaga ang kalinisan ng dignidad at may prinsipyong mamayan. Wag tayong tatahimik lamang sa isang sulok kung san di tayo nagkakaroon ng pagkakataon na marinig ang ating tinig dahil sa isang matagumpay na bayan bilang isang tao tayo ay may karapatan ihayag ang ating opinyon at kilalanin ang ating karapatan upang mabawasan ang katiwalian sa ating bayan.

Maraming salamat sa lahat ng mga katinig, sana my napulot kayong aral sa aking essay….

Mabuhay ang Tinig Pinoy Radio!!!! Kahit Saan Kahit Kailan Ikaw ang Number One.

About Rico

Jose Rico Rizaldy Luga Rico was an active Katinig at Tinig Pinoy Radio before becoming a DJ in December 2013. In TPR, he has found realization in his love for music, aspirations towards being a DJ... read more

Comments ()